خيم رمضانيه

موضوع: خيم رمضانيه 2010-08-06, 2:57 am

مرحبا كيفكم ان شالله تمام

قرات قصه فكاهيه ساخره بأحد المنتديات عن الوضع الي بنشوفو هاليومين بشهر رمضان

الخيم الرمضانيه

حابه من الجميع يعطيني رايوو بالخيم الرمضانيه هالايام

طبعا اترككم مع القصه

القصة تحكي عن الخيم الرماضانية في الاردن
الي طلع على الاردن وشاف خيمة رماضانية بعرف عن شو بحكي

طلعنا من صلاه التراويح انا وابو العبد وابو غسان وبعد ما قال كل واحد للتاني تقبل الله
قالي ابو العبد : اما امبارح رحتلك على خيمه رمضانيه اشي طقع العاده والليله رايح عليها كمان
ابو غسان قال: اكيد اللي رحت عليها انا احلى من تبعتك
بس للتوضيح انا كنت مفكر الخيمه الرمضانيه مكان للتعبد او مكان في اكل للفقرا ومكنتش عارف
المصايب اللي فيها

المهم ابو العبد برطم تمه وقال: ولك انا اللي رحت عليها فيها ارجيله وفيها جرسونات بنات وفيها مطرب
ابو غسان قال: الخيمه تبعتي انا في بنات بخدموا ولابسات ميني جوب وفيها رقاصه ومطربه
شكله خيمه ابو غسان افيع من خيمه ابو العبد ....بس مش عارف كيف خيم رمضانيه؟؟
ابو العبد قاله بالله جد ؟ ولك وين هاي الخيمه ؟خلينا نروح عليها الليله

ابو غسان قال : خلص انا عازمكم الليله على حسابي
وانا اذا في حد بعزمني ما بقول لأ وما بكره الا الصحن الفاضي
المهم طلعنا عالخيمه (الرمضانيه) انا وابو العبد وابو غسان ....ولما وصلناها شكلها فعلا خيمه بس
زي اللي بعملوهم للافراح او للعزا ..وقعدونا على طاوله بعيده شوي... شكله لانه احنا عزابيه
طبعا الجو كان رمضاني عالاخر.... نسوان لابسين فساتين سهره وكله مفتح بس انا بعذرهم لانه

الدنيا شوب .......ورجال مع نسوان بأرجلوا وبحششوا وصوت الضحك واصل للعقبه
في واحده واقفه عالمسرح (عريفه الحفل) او المذيعه وفعلا بلبقلها لقب عريفه لانه العريف بالجيش
رتيته شريطتين وهاي كانت لابسه شريطتين بس.....وباقي النسوان كانوا لابسين ملابس احرام
زي اللي بالحج بس ملابس احرام رجال.....يعني الجو رمضاني عالاخر
وبدت هاي العريفه تحكي: مسا الورد على جميع الحدور.... تبعا ما بحلى السهر الا في رمدان

ورمدان اللي بنجبه كلنا واللي بيجي كل سنه بلياليه الحلوه وسهراته ....رمدان الخير والمحبه
للجميع.....وفي هالجو الحلو بئدملكن المتربه الكبيره كنايفففففف
يا عمي المذيعه مبين عليها الايمان .......كلماتها كلها نفحات (رمضانيه) والمتربه كمان اسمها
رمضاني (كنايف) يعني قريب عالقطايف .الكل صار يزقف للمطربه بما فيهم انا طبعا
وشرفت المطربه وطبعا كانت برضه مخففه في اللبس كتير بس هاي كانت محرمه من الكتفين

يعني بشريطه واحده مش بشريطتين وصارت تغني برضه اغاني (رمضانيه) لهيفا ونانسي
وطلع واحد من الجمهور صار يتبرعلها بفلوس وهو يرقص (اكيد كان صايم بالنهار) وشكله هاي
الفلوس لمساعده الفقيرات من المتربات والراقصات .حرام الدنيا رمضان وفيه الخير الزلمه
وبعد ما خلصت المتربه وصلتها الغنائيه الرمضانيه اجت العريفه وقالت :اليوم في عنا جوائز
وانتوا كلكن بتعرفوا انه ما اكتر من الخير برمضان عشان هيك حبينا نئدم جائزه لاكنر واحده

بترئص ..........والله هاي ما خلصت هالكلمه ولا كل البنات والنسوان صاروا عالبست
وبدات حفله ايمانيه كبيره من الرقص والضحك وشارك فيها حتى الرجال بجد واخلاص
وفي النهايه فازت بنت بكتاب اسمه(صوموا تصحوا)
طبعا الحفله كانت للسحور وحطولنا الاكل وبلشنا نتسحر ...وبعد شوي ضرب المدفع
ووقفنا عن الاكل كلنا طبعا لانه خلص بدا يوم صيام جديد ...ولا هو ابو العبد بقول يللا عاد اللهم اني صائم

بتمنى اسمع ارائكم بخصوص الخيم الرمضانيه

موضوع: رد: خيم رمضانيه 2010-08-06, 4:59 am

الناس مفكرين شهر رمضان هو شهر للضحك والترفيه والسهرات والغنا والرقص لا حول ولا قوه الا بالله

الناس مش عارفه انو ها الشهر العطيم هو شهر القران شهر الرحمه شهر المغفره شهر التوبه شهلر الاكتار من القران

والدكر وافطار الفقراء شهر العباده شهر التسامح

الخيمه الرمضانيه كفايه انها اسمها الخيمه الرمضانيه اسم رمضان الشهر العطيم

يسلمووووووو على الطرح الرائع

موضوع: رد: خيم رمضانيه 2010-08-06, 5:42 am

يسلموو على الموضوع الرائع

انا راح رد عليك بكلمه وحده على الي بنشوفو ها الايام بالخيم الرمضانيه في شهر رمضان والناس تفكيرهم بس في الرقص والترفيه والغنى

لا حولا ولا قوة الا بالله

موضوع: رد: خيم رمضانيه 2011-03-11, 8:36 am

جزااااكي الله كل خير

يسلموو و و ووووووو ووو و

» بطاقات رمضانيه
» ادعيه رمضانيه
» اناشيد دينيه رمضانيه
» اكله مغربيه رمضانيه